Sieri: Trysor i'w Ddathlu yn ystod Wythnos Ryngwladol Sieri

Efallai mai atgof o aelod hyn o’r teulu yn cynnig gwydraid o ryw ddiod tywyll, melys adeg y Nadolig sydd genncyh am sieri; efallai nad ydych yn ymwybodol mai gwin yw sieri, gan ei fod wedi ei wneud allan o rawnwin. Beth bynnag yw eich atgofion neu beth bynnag y cysylltir sieri, mae’n win pwerus a chyfnerth gynhyrchir yn rhanbarth Jerez yn ne Sbaen. Fe'i gwneir o amrywiaeth o rawnwin gwyn, gan gynnwys Palomino Fino, Pedro Ximénez, a Moscatel. Cynhyrchir sieri mewn system o'r enw ‘solera’, sy'n cynnwys cymysgu gwinoedd o wahanol oedrannau i greu proffil blas cymhleth a chyson.

A hithau’n wythnos ryngwladol sieri, pa amser gwell i dyrchu i’r math arbennig yma o win, ac i chwalu ambell ‘myth’ sy’n bodoli am Sieri! 

Arddulliau Gwahanol o Sieri

Daw sieri mewn amrywiaeth eang o arddulliau, o sychi felys a chyfoethog. Mae rhai o'r arddulliau mwyaf cyffredin yn cynnwys:

  • Fino: Sieri sych, ysgafn gyda blas ychydig yn gneuog.
  • Manzanilla: Sieri fino a gynhyrchir yn Sanlúcar de Barrameda, tref arfordirol ger Jerez. Mae blas manzanillas yn cael eu dylanwadu gan aer y môr.
  • Amontillado: Sieri sych canolig sydd wedi heneiddio am gyfnod hirach o amser na fino. Mae gan Amontillados broffil blas cyfoethocach gyda nodiadau o gnau, caramel a sbeis.
  • Oloroso: Sieri sych, llawn corff sydd wedi heneiddio am gyfnod hir. Mae gan Oloroso broffil blas cymhleth gyda nodiadau o gnau, ffrwythau sych, a sbeis.
  • Palo Cortado: Sieri prin sy'n dechrau fel fino ond sy'n datblygu nodweddion oloroso wrth iddo heneiddio. Mae gan Palo Cortados broffil blas cymhleth sy'n cyfuno'r gorau o'r ddau fyd.
  • Pedro Ximénez: Sieri melys wedi'i wneud o rawnwin sych Pedro Ximénez. Mae gan sieri Pedro Ximénez flas cyfoethog, gyda nodiadau o ffrwythau sych a mêl.

Mae sieri felly yn win amlbwrpas y gellir ei fwynhau ar ei ben ei hun neu ei baru ag amrywiaeth o fwydydd. Mae'n arbennig o addas ar gyfer tapas Sbaenaidd, bwyd môr a phwdinau.

Wythnos Ryngwladol Sieri

Mae Wythnos Ryngwladol Sieri yn ddathliad blynyddol o sieri a gynhelir ym mis Tachwedd. Yn ystod yr wythnos hon, mae bwytai, bariau a siopau gwin ledled y byd yn cynnal sesiynau blasu sieri, digwyddiadau a hyrwyddiadau. Mae Wythnos Ryngwladol Sieri yn gyfle gwych i ddysgu mwy am sieri a darganfod y llu o wahanol arddulliau sydd ar gael.

Os ydych yng Nghaerdydd yn ystod yr wythnos, yna mae @Bar44 ac @Asador44 yn cynnal nifer o digwyddiadau blasu sieri ac mae Owen Morgan (@sherrymonster44 ar Instagram) o Bar44 yng Nghaerdydd (http://grupo44.co.uk) yn lysgenad brwd am sieri yng Nghymru a thu hwnt. Yn ogystal, mae cyfle i brofi a phrynu sieri safonol ac o ansawdd uchel yn Curado yng Nghaerdydd, ac Ultracomida Arberth ac Aberystwyth. 

Enghreifftiau Da o Sieri i’w blasu

Mae nifer o enghreifftiau gwych o sieri ar gael yn y DU. Dyma rai o’n ffefrynnau ni:

Dim ond ychydig o enghreifftiau yw’r rhain o’r sieri gwych a niferus sydd ar gael yn y DU. Os ydych chi'n newydd i sieri, ein argymhelliad ni yn Gwin a Mwy yw rhoi cynnig ar amrywiaeth o wahanol arddulliau i ddod o hyd i'r math o sieri rydych chi'n eu hoffi orau.

Dad-Wneud 'Myths' am Sieri!

Mae Sieri dros y blynyddoedd wedi datblygu nifer o 'myths' - dyma'r cyfle i brofi os yw rhain yn wir neu beidio...  

Myth: Mae Sieri ar gyfer pobl hyn yn unig

 

Ffaith: Mae Sieri yn win blasus ac amlbwrpas y gall pobl o bob oed ei fwynhau. Mae yna ystod eang o arddulliau sieri i ddewis ohonynt, felly mae rhywbeth at ddant pawb. Mae sieri sych fel fino a manzanilla yn berffaith ar gyfer aperitifs neu baru gyda bwyd môr. Mae sieri melys fel Pedro Ximénez yn ddelfrydol ar gyfer paru â phwdinau.

Myth: Dim ond ar gyfer yfed cyn neu ar ôl cinio y mae Sherry.

Ffaith: Mae Sieri yn win amlbwrpas y gellir ei fwynhau ar unrhyw adeg o'r dydd. Mae sieri sych fel fino a manzanilla yn esiamplau o sieri ysgafn, gan eu gwneud yn berffaith i'w cadw mewn oergell a’i mwynhau ar ddiwrnod poeth o haf. Gellir mwynhau sieri melysach fel Pedro Ximénez fel gwin pwdin neu hyd yn oed diod cyn clwydo i’r gwely yn y nos!

Myth: Mae Sieri yn rhy felys.

 

 

Ffaith: Mae Sieri yn dod mewn ystod eang o lefelau melyster, o esiamplau sych I rhai melys a chyfoethog. Os ydych yn newydd i sieri tu hwnt i’r Croft neu’r Harvey’s Bristol Cream cyffredin, ein argymhelliad yw rhoi cynnig ar arddull sychach fel fino neu manzanilla. Os yw'n well gennych winoedd melysach, mae nifer o esiamplau o seiri melys ar gael, fel Pedro Ximénez a sieri hufen.

Myth: Mae sieri yn ddrud

 

 

Ffaith: Gall Sieri fod yn fforddiadwy iawn. Mae llawer o sieri o ansawdd da ar gael am lai na £10. Os ydych yn chwilio am sieri achlysur arbennig, mae yna lawer o enghreifftiau o sieri o safon uwch ar gael am bris rhesymol i’w cael hefyd.

Myth: Mae sieri yn anodd ei baru â bwyd.

Ffaith: Mae Sieri yn win amlbwrpas iawn y gellir ei baru ag amrywiaeth o fwydydd. Mae sieri sych fel fino a manzanilla yn berffaith ar gyfer paru â bwyd môr, tapas, a charcuterie. Gellir paru sieri melys fel Pedro Ximénez â phwdinau, caws, a hyd yn oed stiwiau.

©Hawlfraint Gwin a Mwy. Cedwir Pob Hawl.

We need your consent to load the translations

We use a third-party service to translate the website content that may collect data about your activity. Please review the details in the privacy policy and accept the service to view the translations.